OECOLAMPADIUS Johannes

OECOLAMPADIUS Johannes

Germanice Hausschein: pro more virorum insignium eius saeculi, nomine Graece redditô. Winspergâ oriundus, inter primos saeculi praeteriti Reformatores. Basileam vocatus, A. C. 1515. ut maioris templi Ecclesiastem ageret, ibi A. C. 1516. Theologiae Doctor crearus est. Hinc ab Augustanis evocatus, locum mutavit. Monachus factus est, A. C. 1520. de quo instituto sic Erasmus: Quod scribis ab Oecolampadio factum, id sive iudiciô fecit, sive animi morbô, quando mutari non potest, precandum est, ut illi ac nobis quam eptime vertat. Et paulo post, Tutius arbitror mali remedium ab animo potius petere, quam a loco aut vitae instituto. Ep. l. 12. Inde cum se explicuit, felici omine denuo Basileam delatus, A. C. 1522. privatim primo in aedibus A. Cratandri Typographi eximii, egit, Chrysostomi nonnulla in Latium vertens: dein Martino Zanchero, parocho Martiniano, surrogatus, Pontisiciam doctrinam palam impugnare coepit, Ecclesiaequae sic Basiliensis primus a Reformatione Pastor exstitit. Hîc A. C. 1525 scriptum de Eucharistia primum edidit, hôc titulô: De genuina expositione verborum Domini: Cui Suevici Coctores Syngramma suum opposuerunt, Antisyngrammate ab Oecolampadio exceptum. Dein A. C. 1528. una cum Zvinglio respondit Lutheri maiori Confessioni de Cena Domini: Tandem eôdem, cum ipso, quoque annô, 1531. pie mirtuus, Basileae, aetat. 49. Cal. Decemb. De cuius obitu vide praefationem Giynaei in Ezechielem Oecotamp. Ultima morientis vox fuit, Salva me CHRISTE IESU! Eius uxor, matrona laudatissima, ut ante eum M. Ludov. Cellario, sic post eum Wolphgango Capitoni et Martino Bucero, omnibus viris doctissimis et clariss. rarô singularis fortunae exemplô nupsit. Vide Urstis. Epit. Histor. Basil. .c. 9. Scripsit, praeter ea, quae iam memorata sunt, in omnes ferme Sacrae Scripturae libros Annotationes, ἐξηγήματα, Commentarios, Enarrationes, Contiones, Eius

inprimis lucubrationes in Prophetas aliquot minores mirum in modum a viris doctis probantur, Iac. Verheiden, in Effig. Eruditione, sludiis, auctoritate, locô aetate par Zvinglio: Idem. Quem utinam possem iure dolere, verba sunt ipsius Cardinalis Sadoleti, sic enim literae et doctrina hominis postulabant. Illi in sacra stat ione successit Oswaldus Myconius.

Qui Domini verbum primus per Raurica sparsi

Tempoa, domus merito nonne lucerna vocor?